موسوعه اشهر الك\بات اللي بيضحكوا بيها علي البنات

 القفه ام ودنين يشيلوها اتنين ) هههههههه بتقول ايه ؟ ضحكتنى ...قول تانى كده ؟
الجمله دى لو اترمت كده من العريس الوجيه اللى ماسك كوبايه العصير وقاعد ف الصالون بتاعكم فأنتى لو حاضره الكلام بالصلاه ع النبى كده وقبل ما يكمل تدورى على اى قفه ف البيت وتلبسيها ع راسه بس تظبطيها كويس كده وتسنديه لحد الباب وتكسرى وراه قُله .... وياريت الحاج يكون عنده خبر بحيث يتخذ نفس التدابير اللازمه لو انتى مش فى الصالون فى هذه اللحظه الحاسمه ... ذلك ان الاسطوره بتقول ان كده كده سيادتك هتشيلى .. بل واحتمال بعد الجواز تشيلى الودنيين بتوع القفه لوحدك فى الوقت اللى الباشا عنده شد عضلى فى الباى سيبسات بتاعته ‏‎unsure‎‏ رمز تعبيري ، ممكن تشيلى بمزاجك بعد الزواج ، بحب ، باحترام ، بتضحيه ، بعبط برضه ماشى ... كل الاحتمالات وارده مع انه لما اتقدم وبعد الخطوبه واثناء فتره النحنحه مجابش سيره الشركه المتحده للتعاون المادى دى ابدااا بل كتير عمل حمش وقالك بعد الجواز انا مش عاوزحاجه من مرتبك بس بقى ظروف الحياه بتتغير ... ومحدش معترض على التعاون انما الكلام على شخصيه التانى اللى يقول كلمه زى دى بصراحه او بمعنى اصح ب (عفونه )اللى وهو لسه جاى يخطبك بيقول ( القُفه ام ودنين يشيلوها اتنين ياعمى ) وفى مقوله أخرى ( وطبعا ياعمى زى ما انت عارف .. الحياه مشاركه ) فى الحقيقه اللى بيقول كده ده هتشوفى هيعمل ايه بعد كده فيكى وف الحياه وفى القُفه نفسها :s ويوم ماتعترضى هيقولك اللى اوله شرط اخره نور وانا قايل كده يوم ما اتقدمت وأبوكى وافق ... باباك اللى تقريبا مكنش مركز وكان ساعتها بيبتسم ويهز رأسه وهو مبسوط بخطوبتك وبيفكر هيعمل لك الستاير عند مين فماخدش الكلمه بجد :d وعشان كده تجهزى مقشه ورا باب الصالون واعتبرى الكلمات دى هى كلمه السر ( القفه - الحياه مشاركه - معاونه- الست زى الراجل - البنت زى الولد - )لو اتقالت اعرفى ان البيه هيوريكى ايام مايعلم بيها الاربنا

طبعا اللى شايفنى ببالغ براحته ، واللى عاجبها نظريه القفه براحتها اللهم بلغت

Rabaa Ali

رابعه علي 

خيبه امل لايجدى معها الاسف

اوقات اللى حاسين بيه بيبقى حاجه اكتر من الزعل
حاجه اقوى من الغضب
هو هيقولك سامحنى وهتسامحه بس الموضوع مش بس مسامحه
زى ماتكون كنت فووق وفجأه لقيت نفسك تحت اووى 
خيبه أمل .. صدمه .. شعور انك تم خذلانك فى امانيك وتخيلاتك عن الشخص اللى قدامك
شعور صعب ترجمته لكنه عامل زى ماتكون بتقول ( بقى انت طلعت كده انت كمان !! )

أن تعشق سرطانيه

1. أن تعشق سرطانيه ... يعني أن تتخلي عن عقلك ومنطقك ...ان تتوقع منها الشيء ونقيضه .. طوفان مشاعر ..ثم انسحاب تام ...ان تجد وداعه وغضب ...عقل وجنون ...تأني وتسرع ...أن ترهقك جفاءا ثم تنكمش في حضنك بلا مقدمات ..ان تتوقع وتتقبل دموعها الغزيره ..عواطفها المتقلبه ..ان تستقبل حنانها الجارف المفاجيء بلا تعليقات ولا تفسيرات عن السبب ...ألا تشغل بالماديات ..فلن ترهق ميزانيتك ابدا... باقه ورود ترفعها الي السماء ...لكن لا بأس من حين لآخر بهديه تشعرها بها ان المال تحت قدميها لاشيء ... ان تعشق سرطانيه يعني انك لن تفهمها تماما ..لكن هي،بكل الكرم ستهديك الكاتالوج ..ستساعدك ...ستخبرك عما يسعدها وعما يضايقها مرارا ...ستخبرك عما تتوقعه منك فلا تخذلها ...ان عشقت سرطانيه فإياك والبرود...البرود سيجعلها تذبل ...وان ذبلت ...ستعمد هي الي جعل علاقتكما ذابله بالمثل ...اياك ان تكذب ...ان تكون خبيث او سيء الاخلاق ...لن تستطيع ان تحب رجلا ليس اقرب الي المثاليه ...لا تستطيع ان تحب رجلا اخلاقه سيئه او مؤذي لمن حوله ...يجب ان تكون مثلها ..تكره الظلم النفاق القيل والقال ...يجب ان تكون محبا للمثل العليا باقتناع ...قادره علي جعل حياتك خاليه من لحظه ملل وقادره ان آذيتها وخيبت توقعاتها ان تجعل حياتك تضج بالملل ..ان تعشق سرطانيه فهذا يعني انك رجل حسن الحظ والطالع . 
2. #رابعه_علي
3. #عطر_فرنسي
4. 

زوجه نكديه

زوجه نكديه

كان يوم عيد لكنه مختلف عن اى عيد مر عليها 
فى الماضى كانت فتاه تقضى العيد مع اسرتها ثم صارت زوجه وحيده تقضي عيدها مع أسرتها هى وطفلتها تحاول الاستمتاع بالصحبه والدفء والمرح ... كان غيابه يسبب وخزه الم فى قلبها تداريها بابتسامتها 
ولكن هذا العيد جمعهما عش واحد لاول مره منذ سنوات لكن هناك فى بلاد أخرى ليست دافئه كبلادها 
كان الشعور بأنها معه من الممكن ان يكون جميلا بل رائعا فأخيرا لا بكاء بسبب افتقاده ، لا شعور بالحرمان فى العيد فقط لو ... لو انه حاول بذل مجهود معها للاستمتاع باليوم.. منذ الصباح وهى تقترح اقتراحات لكل ما يتعلق باليوم
الا انه ظل يكرر عليها ان تنسى الاعياد هنا ف الغربه فالايام تشبه بعضها البعض
فشلت محاولاتها لاعداد نفس الطعام الذى كانت تتناوله ف تلك المناسبه ف مصر
اخبرها انه لم يجد ما طلبته فى المجمعات
تناولوا الغذاء التقليدى وبعض الضيق بداخلها الا انها حاولت التغلب عليه ،
وبعد فتره من الصمت والملل قامت لتجلس بجواره وضعت رأسها فوق صدره
ربما كانت تفتقد والديها فبحثت عن حنانهما فوق قلبه
ربما كانت تبثه فرحتها لانها بجواره لاول مره ف يوم عيد
ربت عليها برفق وهو يحيط كتفها بذراعه وهدأت شجون الغربه داخلها قليلا
وتمتمت _ يالا نخرج
قامت من مكانها لتتأهب للخروج ليقوم من مكانه هو الاخر قائلا
_لالا عاوز انام ... كسلان من بعد الغداء بتاعك
لم تصدق ماقال
_ نوم ايه ! النهارده العيد ..يالانخرج بقى قبل ما النهار يمر ويبقى يوم العيد خُلص
،مازالت كالطفله تخشى غروب الشمس يوم العيد
اجابها
_صدقينى مش قادر اخرج سيبينى اريح شويه
وذهب للفراش ،غامت عيناها ، امكتوب عليها ان تقضى العيد بدونه
او تقضيه معه بدون اهلها لكن فى المنزل !
لماذا يمتنع عن تلبيه طلب بسيط ومتوقع كالخروج فى يوم كهذا !
كانت تتخيل اول عيد لهما معا بعد سنوات من الفراق تتخيل الخروج والضحك
، تتخيل مفاجأه ما هنا او هناك ، العابا طفوليه ، هديه رومانسيه ... أشياءا لاتُقال ولاتُطلب . عندما قام من نومه كانت هى كانسانه اخرى ، صامته ، كئيبه ، مستَفزه ،
تناوله الاشياء ببعض الحده
لم تعاتبه فيما فعل .... فى تضييع يوم طالما حلمت به .... فقط اختفت ملامح البهجه المنشوده من فوق وجهها
كان ينظر اليها متعجباو هو يطلق كلمات التذمر عن تقلبها المفاجىء ثم تركها وانشغل فى التلفاز
وهو يفكر بداخله كم ان النساء كائنات محيره وصعبه الفهم ! ويتهمها بالاتهام الشهير
( الزوجه نكديه بطبعها ) .

رابعه علي
#رابعه_علي Rabaa Ali

كبرياء

رغم كونه شريك حياتها ومالك قلبها ورغم كونها كل شىء اليه الا انهما فى لحظه ما كانوا فى السياره كالغرباء ...فبعد خلاف ممتد لعده ايام و متجدد تلقائيا ظهر فى الافق موعدا كانا لابد من الذهاب اليه ، طوال الطريق يتبادلان حديثا دبلوماسيا ، لا ليست هذه نبرتها التى اعتدها منها وهى تشعر به كأنه انسان غريب عنها .. لقد غير قصه شعره .. القصه الجديده جميله ... تشعر برغبتها فى ان تخبره بذلك. ..تشعر ببعض الغيره الاضافيه عليه ... لكن تصمت ...فهما الان ليسا الحبيبان الذين يقولان كل مايخطر ببالهما دون حسابات او تفكير .... تنهدات كثيره تملأ الجو حولهما ... يتعاملان بأدب ... تخرج قطعه حلوى لتتسلى بها فتضع فى فمه بعضها لأن يديه مشغولتين .. يتمتم شكرا ... يعودا للتنهد .... لم يكن بينهما كل هذا الشكر والرسميات ....والان وصلا بعد ساعه ونصف من القياده ... اخذ برهه لينزل ليصلى فى المسجد المقابل قبل ان يصعدا لاصحاب الزياره.. تودعه بنظره صامته وهى توشك ان تهتف لاتتأخر ..عاد بعد قليل واهتز قلبها كما لم يفعل منذ مده طويله ... لقد اصبحا غرباء فعلا فرجوعه بعد ١٠ دقائق صار يسعد قلبها .. ركب السياره وصمت ونظر اليها طويلا ،...حبات عرق على وجهه وكفها يحترق حتى يمتد اليها ليسمح جبينه تعصر قبضتها وتقاوم الا تفعل.... حادثها عن الزياره وعينيه شارده فى عينيها وهو يتمنى ان يلمس كفها الان .. حالا ...لكن حسابات الخلافات تمنعه ... يرتبكا معا وتتسمر اعينهما رغم ظلمه المكان كل منهما كان يقرأ افكار الآخر من عينيه ... يريد ان يحتويها الان بلا اى حسابات وهى تتمنى لوفقط يمسك كفها ولو عنوه ويهتف ( كفى )
هو حلالها وهى حلاله لكنه ... الخلاف
قطع هو كل ما يحدث بقوله _ يالا ننزل
فردت ببساطه وهى تفتح بابها _ يالا

Rabaa Ali
رابعه علي 

رجل شرقي

رَجُـــلُ شَرّقـِــي

هو : معلش يوم الاتنين بقى مش هعرف اوصلك شغلك
هى : اومال هروح ازاى؟
هو :هتاخدى تاكسى
هى : ازاى مش عاوز توصلنى ! وراك ايه !!
هو : رايح اجتماع مهم فى المقر الرئيسى وعكس طريق شغلى وطريقك اساسا
هى : بس انا اخاف اركب تاكسى
هو : ليه ان شاء الله !
هى : انت مسمعتش عن التحرش و الخطف ! مش شايف البلد حالتها الامنيه عامله ازاى ؟
هو : هو انتى الوحيده اللى هتركبى تاكسى !! وهتخافى بالنهار !! تخافى من ايه اساسا !! لو عاكسك اديله باللى فى رجلك
هى بتردد : مش مسأله معاكسه بس ... افرض خطفنى ... انا شغلى بعيد وفى حى هادى
هو بغضب : يخطفك ازاى وانتى هتسكتى له !!! تضربيه ! تقاوميه ثم هيخطفك يعمل بيكى ايه ؟ فديه مش دافع هههههه
هى بوجه شارد وهى تتذكر حوادث مماثله فى مواقع الاخبار : اكتر من كده ... بعد الشر يعنى يعتدى عليا ي.....
هو : وانتى فين ان شاء الله ! تدافعى عن نفسك 
هى : افرض كان اقوى منى 
هو بغضب : مفيش حد يقدر ياخد من واحده حاجه الا برضاها 
هى مفزوعه : نهار اسود !! ازاى !! يعنى اللى بتتعرض للاغتصاب دى بتبقى موافقه !! بتبقى مقدرتش تدافع عن نفسها او اتخدرت او ضربها فأغمى عليها 
هو : ده لو حصل ... هقتلك 
انتفض جسدها لما وصلت اليه التخيلات 
وهمست بضعف : تقتلنى انا !!!
لوى رأسه وزفر وقال بتركيز وعيناه تقدح شررا :هقتله هو الاول طبعا .. لو هرب هجيبه من اخر الدنيا وهقتله ... بس هقتلك بعدها 
لمعت عينيها بالدموع : وانا ذنبى ايه ؟
هز رأسه ووجهه مكفهر من الغضب 
هو : كده .. ... حتى لو انتى ضحيه بس ... مش هقدر اتحمل ان حد تانى يــ........ وقطع جملته 
ثارت بداخلها كل المقولات عن المجتمع الذى يهاجم الضحيه قبل ان يعاقب الجانى ، نظرت اليه بخوف .. ذعرت ان حبيبها مثل الذين تراهم فى الافلام يتخلون عن زوجاتهم فى المواقف المشابهه ، تزلزت ثقتها بحبه لها وبكت 
قائله : طيب قول انك هتتخلى عنى وخلاص. .. فيه اختراع اسمه طلاق. .. ولا تقتلنى ولا تتعب نفسك وتدخل السجن 
تهدجت انفاسه وهتف 
انتى بتاعتى ... .... وانا بقتلك هتفضلى بتاعتى.... لكن الطلاق معناه انى هسيبك لحد تانى ... 
لم تعد تدرى هل تحزن ام تفرح لجنون حبه وتملكه لها .. صارت لا تصدق انهما تمادا فى الخيالات لدرجه استخدام الفاظ مثل الطلاق والقتل لكنها لم تستطيع ان تتمالك نفسها من ان تسأله
وهى تهمس : ههون عليك !
هو : هتوحشينى بس ماهو انا هحصلك ... اكيد هتعدم ......كده كده مش هقدر اعيش بعد ما اقتل....
قطع كلمته فجأه و هتف بها : اخرسى بقى .. شوفتى خيالك وصلنا اننا نتكلم ف ايه !!! 
وفتح ذراعيه لها فجرت لتختبىء فى حضنه وهو يقول 
: بحبك يا جبانه ... بموت فيكى 
نزلت دموعها وهى تحاول نسيان ملامحه الغاضبه ونبراته التى اخافتها وهمست
بتحبنى اووى وكنت عاوز. ....
قاطعها : اشششش خلاص ، متقوليش كده تانى ، ولا تجيبى لى سيره تفور دمى زى دى تانى احسن اقعدك من الشغل اساسا 
التقت نظراتهما فأكمل : بحبك ...بحبك 
وابتسمت وهى تحاول مسح المحادثه السخيفه من ذاكرتها وقالت بحب : على فكره انا الظاهر بالغت فى خوفى ... فيها ايه لما آخد تاكسى ! 
قاطعها وهو يربت على شعرها 
: اششششش يوم الاتنين هوصلك الاول ... بلا اجتماع بلا بتاع ...معندناش حريم يركبوا تاكسى

Rabaa Ali

بسم الله الرحمن الرحيم
بعد سنوات من الكتابات المبعثره هنا وهناك .. في الادراج ثم المنتديات ثم الفيس بوك .. قررت متأخرا  جدا  D: أن اجمع كل شخابيطي هنا
   من روايه وقصه وشعر وخواطر
انا رابعه علي نصر او  رابعه علي  Rabaa Ali
صدر لي ..الحب في زمن الكاديلاك ...مجموعه قصصيه من ..دار الحلم
يحتوي علي قصتي الاثيره التي تحمل نفس الاسم
القصه التي بدأت بحلم وانتهت بفانتازيا

علي بركه الله أبدأ